தமிழ்வாணன் துப்பறியும் மர்ம நாவல் பாகம் 2

தமிழ் நாவல் உலகில் திருப்புமுனை ஏற்படுத்திய முக்கிய எழுத்தாளர்களில் ஒருவர் தமிழ்வாணன். ஒரு தபால் கார்டில், விலாசம் எழுதும் இடத்தில் ஒரு தொப்பியையும், கறுப்புக் கண்ணாடியையும் வரைந்தால் போதும்! தமிழ்வாணனுக்குப் போய்ச் சேர்ந்துவிடும்! அவ்வளவு புகழ்.குழந்தைகளுக்காக எழுத ஆரம்பித்த அவர், பின்னர் பெரியவர்களுக்காக எழுதினார். பெரும்பாலும் துப்பறியும் கதைகள். அவருடைய துப்பறியும் மர்ம நாவல்கள் கொண்ட 2–ம் பாகம் இப்போது வெளிவந்துள்ளது. ‘‘பிடி22’’, ‘‘டோக்கியோவில் தமிழ்வாணன்’’, ‘‘கெய்ரோவில் தமிழ்வாணன்’’, ‘‘பிராங்க்பர்ட்டில் தமிழ்வாணன்’’ ஆகிய 4 நாவல்கள் இதில் உள்ளன.தமிழ்வாணன் கதைகள் என்றால் விறுவிறுப்புக்கு பஞ்சம் ஏது? புத்தகத்தை கையில் எடுத்தால் முடிக்கும் வரை வேறு வேலையில் கவனம் செல்லாது.