Description
அன்பு நண்பர்களுக்கு மாலை வணக்கம். எதிர்வரும் சென்னை புத்தகக் காட்சியில் என்னுடைய புத்தகமும் / புத்தகங்களும் கடை காண்கிறது. ஏறக்குறைய ஆறு வருஷங்களாக நான் எழுதிய வியாசபாரதத்தை ஐந்து பாகங்களாகக் கிழக்கு பதிப்பகம் புத்தகமாக்குகிறது. “இந்த புக்ஃபேருக்கு மஹாபாரதம் நிச்சயம் வெளியிடுகிறோம்” என்று எனக்கு உற்சாகமளித்து நம்பிக்கையூட்டிய நண்பர் பத்ரிக்கு Badri Seshadri முதலில் என் மனமார்ந்த நன்றிகளைத் தெரிவித்துக்கொள்கிறேன்.
வியாசபாரதத்திற்கு அட்டைப் படம் வேண்டும் என்றதும் நான் முதலில் எட்டிப் பார்த்தது திரு. கேஷவ்ஜியின் Keshav Venkataraghavan பக்கத்தைத்தான். பாரதத்தின் நாயகன் ஸ்ரீகிருஷ்ணன், கொம்பொடித்து எழுதிய விநாயகர், முழு கதையையும் மூச்சு விடாமல் சொன்ன கிருஷ்ண த்வைபாயனர் என்ற வியாஸபகவான் என்று மூவரும் அலங்கரிக்கும் ஒரு அற்புதமான ஓவியம். கேட்டதும் கொடுப்பவன் கிருஷ்ணன் மட்டுமல்ல கேஷவ்ஜியும்தான். உடனே தருவதற்கு ஒப்புக்கொண்டார். அவருடைய கைகளைக் கண்களில் ஒற்றிக்கொண்டு என் சிரம் தாழ்ந்த நன்றிகள்.
இதற்கு அணிந்துரை எழுத யாரிடம் கேட்கலாம் என்று நான் யோசித்த போது முதலில் என் கண் முன்னால் வந்தவர் ஸ்ரீமதி. சுதா சேஷய்யன். பொறுமையாகப் படித்து அற்புதமான ஒரு அணிந்துரை வழங்கிய அவருக்கும் இதற்கு உதவிய சாஸ்த்ரா ஸ்ரீ. வைத்திய சுப்ரமணியம் Vaidhyasubramaniam Sethuraman அவர்களுக்கும் இதயப்பூர்வமான நன்றிகள்!!
வியாசபாரதத்தின் மூலப் பெயர் ஜெயா. ஜெயா என்றால் வெற்றி என்று அர்த்தம். வியாசபாரதம் இருக்கும் வீட்டில் சகல வெற்றிகளும் சேரும் என்பது சாஸ்வதமான உண்மை! வியாசபாரதத்தை எனக்குத் தெரிந்த எளிய தமிழியில் வார்த்தைகளால் காட்சிப்படுத்தியிருக்கிறேன். ஃபேஸ்புக்கில் இது தொடராக வெளிவந்தபோது பெரும்பாலான நண்பர்கள் பேராதரவு அளித்திருந்திருந்தீர்கள். அனைவரும் தவறாமல் இந்த வியாசபாரதத்தை வாங்கி ஆதரவு அளிக்கும்படி வேண்டிக்கொள்கிறேன். நன்றி.
அறிமுகச் சலுகை: இப்போதே ஆர்டர் செய்பவர்களுக்கு 20% சதவிகிதம் விலைக்கழிவோடு ரூ. 5000/- மதிப்புள்ள புத்தகங்கள் ரூ. 4000/-. ஐந்து புத்தகங்கள். கிட்டத்தட்ட 4000 பக்கங்கள். (தனி புத்தகங்களாக உதிரியில் வாங்க முடியாது) எப்படி புக் செய்வது என்பது பற்றிய விவரங்கள் இத்தோடு இணைத்திருக்கும் விளம்பரப் படத்தில் இருக்கிறது.
வழக்கம் போல் நீங்கள் தரும் ஆதரவிற்கு முன்கூட்டியே என் நன்றியைத் தெரிவித்துக்கொள்கிறேன்.
புத்தகக் காட்சியில் F37 கிழக்கு அரங்கில் சந்திப்போம்